Jarduera honetan, EIDEren bazkideak diren diseinu-estudio batzuek ateak hiru egunez irekiko dituzte, goizez, ikasleen, profesionalen, enpresen eta, oro har, jendearen bisita jasotzeko. Jarduera zuzenean emango dugu Instagrameko gure profilean. Egun bakoitzean ibilbide bat egingo da. Programa eta ordutegiak itxita egongo dira, eta parte hartuko duen estudio-kopuruaren eta izena emandako pertsona-kopuruaren arabera zehaztuko dira. Bi jardunaldi Bilbon eta hirugarrena Bizkaiko beste herri batzuetan izatea aurreikusita dago, baina estudioen erantzunaren araberakoa izango da.