Dendaz. This is Basque Design Bilboko Azkuna Zentroa – Alhóndiga Bilbaoko denda da, testuinguruko diseinatzaileak ezagutzera eman, beren lana sustatu eta lotura berriak ezarri nahi dituena. Proiektua Azkuna Zentroarentzat estrategikoak diren balioekin eraiki da: sormena, irisgarritasuna, dibertsitatea eta lankidetza.

Design store-ko kontzeptu dinamikoa eta bizia da, urteko egun guztietan irekita dagoena. Bertan, artisau-lana artikulu original eta korporatiboen bidez gauzatu eta sortze-prozesuaren balioa nabarmentzen da. DendAZ. This is Basque Design dendaren bereizgarria produktuaren balio gehigarria da, tokikoa, jasangarritasuna, Do It Yourself ikuspegia eta esklusibotasuna agerian jartzea, eta sormenezko erosketa arduratsua kontzeptua sustatzea.

Azaroaren 25, 26 eta 27an, Bilbao Bizkaia Design Week (BBDW) ekitaldiaren barruan, Azkuna Zentroak bere diseinu- eta sormen-ekosistema erakutsiko du This is Basque Design Merkatuarekin. Bertan, jendeak hogei bat diseinatzailek egindako produktuak ezagutu eta erosi ahal izango ditu. Gainera, produktu horien ekoizpen-prozesuak eta -teknikak ezagutu ahal izango ditu, hitzaldi, erakustaldi eta tailerren bidez.

Ordutegia:

Azaroak 25, ostirala: 17:00etatik 20:30era

Azaroak 26, larunbata: 11:30etik 20:30era

Azaroak 27, igandea: 11:30etik 15:00etara

Lekua: Kulturen ataria

Sarrera librea